എയർഹോസ്റ്റസ്

ദുബായിൽ നിന്നും ബാംഗളൂർക്ക് പറന്ന് പൊങ്ങിയ കിംഗ്ഫിഷർ എയർലൈനിലെ സുന്ദരികളായ എയർഹോസ്റ്റസുമാർ വിമാനത്തിലൂടെ തലങ്ങും വിലങ്ങും നടക്കുകയാണ്,കൊള്ളാം ആകെയൊരു നയനസുഖം,കാശിത്തിരി കൂടിയാലെന്താ യാത്ര ബോറടിക്കില്ല. അങ്ങനെ വായിൽനോട്ടം കാര്യമായി പുരോഗിമിച്ചു കൊണ്ടിരിക്കുമ്പോഴാണ് പെട്ടെന്നൊരു കിളിനാദം ,“സർ ഹെഡ്ഫോൺ ” വലതു വശത്ത് നിന്നാണ് കിളിനാദം എന്റെ തല ഞാൻ പോലും അറിയാതെ അങ്ങോട്ട് തിരിഞ്ഞ് നോക്കിയെന്നതാണ് സത്യം ,ഒരു സുന്ദരിക്കുട്ടി എന്റെ നേർക്ക് ഹെഡ്ഫോൺ ,ബ്ലാങ്കറ്റ് എന്നിവയുടെ ഒരു കിറ്റ് നീട്ടിപ്പിടിച്ച് നിൽക്കുകയാണ്,ഒരു നിമിഷത്തേക്ക് എന്റെ ശ്വാസം നിന്നുപോയോ എന്ന് എനിക്ക് പോലും സംശയം തോന്നിയ നിമിഷങ്ങൾ,ഞാൻ കിറ്റ് വാങ്ങാനായി യാന്ത്രികമായി അവൽക്കു നേരേ കൈ നീട്ടി ,കിറ്റ് വാങ്ങവേ ഞാൻ മന:പ്പൂർവ്വം അവളുടെ അഴകൊത്ത ആ വിരലുകളിൽ ഒന്ന് സ്പർശിച്ചു,അവളൊരു ചെറു പുഞ്ചിരിയോടെ കൈ പിൻവലിച്ചു മെല്ലെ അടുത്ത സീറ്റിലേക്ക് നീങ്ങീ,
എനിക്കാ സുന്ദരിക്കുട്ടിയെ വീണ്ടും വീണ്ടും കാണണമെന്ന് തോന്നി
ഹെഡ്ഫോൺ വർക്ക് ചെയ്യുന്നില്ലാ ,ഒരു ബോട്ടിൽ ബിയർ കൂടി വേണം ,ഒരു ബോട്ടിൽ വെള്ളം വേണം എന്നിങ്ങനെ ഓരോരോ ആവശ്യങ്ങൾ പറഞ്ഞ് പലതവണ എന്റെ സീറ്റിനടുത്ത് വരുത്തിച്ച് ആ സൌന്ദര്യം കൺനിറയെ കാണാൻ അവസരമുണ്ടാക്കുകയും അവസരം കിട്ടിയപ്പോഴൊക്കെ ആ സുന്ദരമായ വിരലുകളിൽ സ്പർശിക്കുകയും ചെയ്തു.പിന്നെ പതിയെ എന്റെ ശ്രദ്ധ മുന്നിലെ ടിവി സ്ക്രീനിലെ സിനിമയിലേക്കായി.പക്ഷേ ശ്രദ്ധ സിനിമയിൽ ഉറച്ച് നിൽക്കുന്നില്ലാ
കുറേ നേരം കഴിഞ്ഞപ്പോൾ എന്റെ ക്ഷമ നശിച്ചു , വീണ്ടും പ്രലോഭനം..!!! തലക്ക് മുകളിലെ ഹോസ്റ്റസ് അറ്റെൻഷൻ ബട്ടൺ ഞാനൊന്നൂടെ അമർത്തി നിമിഷങ്ങൾക്കുള്ളിൽ ദാ ആ സുന്ദരിക്കുട്ടി വീണ്ടും എന്റെ മുന്നിൽ ഞാൻ അവളോട് മൊഴിഞ്ഞു വൺ ഗ്ലാസ് കോൾഡ് വാട്ടർ പ്ലീസ്,
ഒരു മിനിറ്റിനുള്ളിൽ ഒരു ഗ്ലാസ് തണുത്ത വെള്ളം നിറച്ച ഗ്ലാസ് അവൾ എന്റെ നേർക്ക് നീട്ടി,ആ ഗ്ലാസ് വാങ്ങവേ വീണ്ടും ഞാൻ ആ വിരലുകളിൽ സ്പർശിച്ചു.
പെട്ടെന്നാണ് അത് സംഭവിച്ചത് ,എന്റെ നേർക്ക് നീട്ടിയ ആ ഗ്ലാസ് അവൾ പെട്ടെന്ന് പിൻവലിക്കുകയും ഗ്ലാസിലെ തണുത്ത വെള്ളം എന്റെ മുഖത്തേക്ക് ആഞ്ഞൊഴിച്ചു, പിന്നെ അക്രമാസക്തയായ അവൾ എന്റെ തോളിൽ പിടിച്ച് എന്നെ ശക്തിയായി ഉലക്കുകയും ചെയ്തു. അപ്രതീക്ഷ്മായ ആ ആക്രമണത്തിൽ ബാലൻസ് നഷ്ടപ്പെട്ട് ഞാൻ സീറ്റിൽ നിന്ന് താഴേക്ക് വീണു……….പ്ധിം
എന്റമ്മൊ എന്നെ തല്ലല്ലേ ഞാനൊരു പാവമാണേ, എന്റെ നടുവൊടിഞ്ഞേ എന്ന് ഞാൻ ഉറക്കെ നിലവിളീച്ചു.
അമ്മേ ദേ ചേട്ടൻ കട്ടിലേന്ന് വീണു എന്ന് ഉറക്കെ ആരോ വിളിച്ച് പറയുന്നതു കേട്ടാണ് ഞാൻ കണ്ണ് തുറന്ന് നോക്കിയത്,നോക്കുമ്പോൾ കാണുന്നത് എന്റെ മുഖത്തൊഴിച്ചതിന്റെ ബാക്കി തണുത്ത് വെള്ളവുമായി നിൽക്കുന്ന അനിയത്തിയെയാണ്, കൂടെ അവളുടെ വക ഒരു ഭീഷണിയും ദേ ഇതിപ്പോ മൂന്നാമത്തെ തവണയാ ഞാനീ ചായേം കൊണ്ട് വന്ന് വിളിക്കുന്നത് , ചായ വേണേൽ എണീറ്റ് വന്ന് ചൂടാറുന്നതിനു മുന്നെ കുടി , ഇനി വീണ്ടും ചൂടാക്കിത്തരാനൊന്നും എനിക്ക് നേരമില്ല , എനിക്ക് വേറേ പണിയുണ്ട് ,ഹല്ല പിന്നെ
ഓഹോ അപ്പോ വിമാനവും,എയർഹോസ്റ്റസുമെല്ലാം വെറും സ്വപ്നമായിരുന്നല്ലേ..???!!! വെറുതേ രാവിലെ മനുഷ്യനെ മെനക്കെടുത്താൻ ഓരോരൊ സ്വപ്നങ്ങൾ എന്ന് മനസ്സിൽ പറഞ്ഞോണ്ട് പതുക്കെ എണീറ്റ് അടുക്കള ലക്ഷ്യമാക്കി ഞാൻ നടന്നു നടുവും തിരുമ്മിക്കൊണ്ട്.